ازاي تستقبل مدفوعات علي فوري او بالفيزا - pay me srore

Apr 19/Mohamed Nakhlawy/أنظمه الدفع



استقبال المدفوعات من اكتر المشاكل اللي بتواجه اي freelancer شغال أونلاين ، بس النهارده احنا هنقدم طريقه سهله للمصريين، من خلالها يقدروا يستقبلوا المدفوعات علي حسابهم البنكي.


شركه pay me store هي شركه متعاقده مع البنك الأهلي و بتوفرلك استقبال المدفوعات من خلال فوري و من خلال ال visa و ال mater card 


رابط الشركه : 

https://paymestore.co


طريقه عمل حساب سهله و غير معقده و تقريبا الشركه ملهاش اي شروط غير انك ممنوع تبيع ممنوعات او اي منتج بيحض علي العنف.

هتدخل علي الموقع و تعمل register مش هيطلب منك اي بيانات غبر الاسم و الايميل ورقم المحمول و كلمه المرور



بعد م تعمل اكونت علي pay me store 

هتلاقي خدمه العملاء بيتصلوا بيك و بيتأكدوا ان كل شئ واضح بالنسبه ليك.  هيكلموك خلال ٢٤ ساعه عمل.


انواع المدفوعات :

تقدر تعمل فواتير للعملاء ، و ديه الطريقه اللي من خلالها ممكن تستقبل مدفوعات ك freelancer.

تقدر تضيف منتجات ملموسه.

تقدر تضيف events او consulting و الناس تحجزها.


استقبال المدفوعات 

الشركه بتاخد من اي مبلغ بتستلمه 3.5% و الي حد ما النسبه معقوله.

ولما العميل بيدفع من فيزا او ماستر كارد بيتخصم منه ٥ جنيه رسوم.

و لو هيدفع من خلال فوري مش بيدفع اي رسوم اضافيه و لكن ممكن يدفع رسوم اضافيه للفرع اللي بيدفع منه و من تجربتي الشخصيه ... انا مدفعتش اي رسوم اضافيه لما استخدمت فوري في الدفع.


الرصيد بينزل في حسابك اول لما العميل يدفع الفاتورة .... و لكن فعليا بينزل في الرصيد الفعلي بعد سبع أيام و ده الرصيد اللي انت تقدر تسحبه.


رسوم السحب 

في كل عمليه سحب بتدفع رسوم ١٥ جنية و التحويل بيتم كل يوم أحد و لكن لازم تعمل طلب السحب قبل يوم الثلاثاء .

ولو عملت طلب السحب بعد يوم الثلاثاء هتنتظر ليوم الاحد اللي بعده.


السحب من pay me store متاح علي الحساب البنكي فقط .


بالنسبه لاي payment gateway مصرية دايما في شروط معقدة ، و دية اول payment gateway اشوفها من غير تعقيد.


عيوبها :

مفيش api ليها ، ولكن علي حسب كلام الدعم هيكون متاح عن قريب.

تقريبا محتاج اسبوعين علشان تبقا الفلوس في جيبك بعد م العميل يدفع.

متقدرش تسحب غير علي الحساب البنكي.


المميزات :

تقدر تستقبل المدفوعات علي فوري

العملاء يقدروا يدفعولك من خلال الفيزا او الماستر ، و بالتالي تقدر تستقبل مدفوعات من خارج مصر.

خدمه دعم فني محترمه و متعاونه و بتتواصل معام علي الفون .


و متنساش تسيب رأيك في التعليقات و لو في اي أستفسار او حتي عايز تشارك تجربتك ، اكتب لنا في التعليقات