مقدمه لتصميم و برمجة المواقع

Apr 15/Mohamed Hamada/شروحات

قبل م تبدأ في تصميم و برمجه المواقع في شويه أساسيات لازم تكون عارفها ودايما الاساسيات ديه بتبقا غير واضحه بالنسبه ليك.


ايه الفرق بين ال Web Design و ال Web Development ؟

ال web design هو عباره عن تصميم الموقع  و بكده اي حاجه تابعه لشكل الموقع بتكون من اختصاص ال web designer

اما ال web development تقدر تسميه ( خلف الكواليس ) والسبب هو ان اي حاجه بيعملها ال web developer انت مش تقدر تشوفه علي عكس ال web design

- اكيد انت دلوقتي بتقول : أنا مش فاهم حاجه , أيه الكلام الغريب ده !! بس السؤال اللي تحت هو اللي هيوضح الأمور معاك.


ايه الفرق بين ال Front-End و ال Back-End ؟

ال front end ... وديه بيكون مسئول عنها ال web designer و علشان تتعرف عليها افتح موقع FaceBook مثلا ... أول م تفتح هتشوف صوره زي ديه

الصوره ديه هي ال front end و بالتالي انت تقدر تشوف الfront end و كمان تقد تشوف الكود الخاص بال front end لو ضغطت (Ctrl + U) و بكده تصميم الموقع هو ال front end


لكن ال back end ( خلف الكواليس) هي المكان اللي بيتم فيه المعالجه علي سبيل المثال , لو انت كتبت البريد و كلمه المرور علي موقع FaceBook و عملت تسجيل دخول , ايه اللي بيحصل !!؟

أولا البيانات بتروح لل back end و هناك ال back end بتروح تدور في قواعد البيانات و تتأكد هل في حد موجود بالبيانات ديه واله لا 

لو في بتبدأ تنفذ عمليه تسجبل دخول و لو لا بتبعت رد ان البيانات غلط ... و بكده تكون ال back end هي الكواليس كلها ... لان كل اللي بيحصل هناك انت مش بتشوفه و بالنسبه للمستخدم العادي هو مش بيعرف عنه اي حاجه


ايه الفرق بين موقع static و موقع dynamic ؟

الموقع ال dynimc موقع بيقدر يعالج البيانات و بيتم استخدام لغه برمجه فيه زي PHP و اللغه ديه هي الي هنقوم بعمليه المعالجه و ممكن يتم استخدام قواعد بيانات فيه لو محتاجين نخزن بيانات علي خلاف ال static بيتم استخدم فيه Html  و Css و ممكن Javascript و بيكون غير قادر علي معالجه البيانات او تخزين البيانات في ال database .


ايه اللغات اللي محتاج اتعلمها و ايه فايده كل لغه ؟

علشان تبدأ في عالم تصميم و برمجه المواقع لازم تتعلم HTML و CSS لانهم اساس اي صفحه ويب , وده معناه انك تقدر تعمل صفحه ويب بأستخدام Html  و CSS  فقط و لكن هتكون صفحه Static يعني غير قادره علي معاجه البيانات .  


طاب ايه هي لغه ال HTML ؟

لفه Html هي لغه وسوم (رموز) يعني عندي وسم والوسم ده بيعبر عن حاجه مثلا لو انا عندي كلمه زي Text و عايز اضخم حجم الكلمه هستخدم وسم b و هو اختصار ل Bold و كل وسم ليه بدايه و نهايه


يعني ايه تصميم متجاوب ؟


المحاضره الاولي [Zoom LWG Group]


و بأذن هيتم تحديث الأسئله بأستمرار و أضافه أسئله جديده من الأسئله اللي بتواجه المبتدأين في بدايه طريقهم لعالم تصميم و برمجه المواقع و لو في اي سؤال محتاج الاجابه عليه تفدر تسيبه في التعليقات و بأذن الله نجاوبك عليه