ايه اللغات اللي لازم اتعلمها علشان ابداء ف تصميم و برمجه المواقع

Mar 25/Mohamed Nakhlawy/شروحات

تصميم و برمجه المواقع عالم كبير جدا

واي حد بيبدأ دايما عنده اسئله و بأذان الله هنجاوب معظمها في المقال ده.


  ايه هي اللغات اللي محتاج اتعلمها علشان ابداء في تصميم و برمجه المواقع !؟

علشان اجاوب ع السؤال ده لازم انت تكون عارف ان في فرق بين تصميم الموقع و برمجه الموقع و كل حاجه ليها لغات خاصه بيها

تصميم المواقع  يبقا انت كده هتصمم الواجه  اللي زائر الموقع هيش الموقع هيشوفها و علشان تصمم واجهه الموقع لازم تتعلم HTML  و CSS و ديه لغات اساسيه هتكون موجوده في اي موقع يعني مفيش موقع مفهوش HTML و  CSS  

ال HTML  هي لغه وصفيه و ليست لغه برمجه بتستخدم رموز او بمعني اصح بتستخدم و سوم و كل وسم ليه معني و ليه دلاله عند المتصفح او محركات البحث

ال CSS هي لغه وصفيه مسئوله عن شكل الموقع و الالون و اي حاجه تخص ال Style  بتضيف للوسوم خصائص زي مثلا بتحدد لون الخط او حجم الخط و حجات تانيه كتير

في بقا ال JavaScript  وديه لغه برمجه 

من خلالها تقدر تضيف حركه داخل الموقع بمعني انك تقدر تحرك عناصر ال. HTMl من خلالها

مثلا في صوره و انت عايز الصوره ديه تتغير كل  شوية ف انت تقدر تعمل ده من خلال الجافا سكربت


ال JQuery هي مكتبه مبنيه ع الجافا سكربت

بتعمل نفس اللي جافا سكربت بتعمله و لكن بتسهل عليك و بتوفر عليك الوقت و المجهود و بتدل م تكتب ١٠ سطور جافا سكربت لا انت هتكتب سطر واحد JQuery

و ده لان مكتبه ال JQuery في قلبها عدد كبير جدا من الدوال و نفس الداله بتستخدمها عدد لا محدود من المرات وده بيقلل ال Dry Code

طاب يعني ايه Dry code 

يعني انك تكرر الكود اكتر من مره

يعني لو هتكتب كود يعمل عمليه حسابيه مثلا و هتستخدم الكود ده اكتر من مره ، بدل من تكرره هتحوله ل function  و استخدم الداله ديه

ف لو الكود مثلا ١٠ سطور انت هتكتب ال ١٠ سطور مره واحده و لما تحتاج الكود ده هتستخدمه من خلال انك تكتب سطر واحد مش ترجع تكتب ال ١٠ سطور من الاول


ندخل بقا في برمجه المواقع 

اول حاجه هنتحتاج سيرفر لان السيرفر هو اللي هيترجم الاكواد اللي انت كاتبها 

تاني حاجه لغه البرمجه و افضل لغه برمجه حاليا متخصصه في برمجه الويب هي php


لغه البرمجه هي المسئوله عن اي عمليات بتحصل داخل الموقع كمان هي اللي بتجيب البيانات من قاعده البيانات و هي اللي بتحفظها و هي اللي مسئوله عن معالجه البيانات


و اهم حاجه هنحتاجها قاعده البيانات اللي 

نخزن فيها البيانات و اشهر قاعده بيانات بيتم استخدمها هي mysql


احنا قولنا جافا سكربت لغه برمجه و php لغه برمجه

طاب ايه الفرق بينهم


ال php بتحتاج خادم او سيرفر علشان يترجم الاكواد ، لكن الجافا سكربت بيتم ترجمتها علي المتصفح و مش بتحتاج خادم


باختصار الجافا سكربت بتعمل عمليات علي جهاز المستخدم ولكن php  بتنفذ العمليات علي السيرفر


علي سبيل المثال ، لو عندك فورم تسجيل دخول بدل م تشوف بال php هو فاضي وله لا و الصفحه تحمل ، انت تقدر تعمل ده بالجافا سكربت من غير م الصفحه تحمل ، و ده مثال بسيط


اوعي تكون فاكر ان الموضوع خد حقه ، لا خالص ... برمجه المواقع عالم كبير جدا ولسه في حجات تانيه كتير هنكلم عليها ف مقالات تانية باذن الله